絕版 “奧地利製造” 的GOTHAM DGS-2 訊號線最後召集
我哋Youtube頻道上一集瑞士GOTHAM AUDIO 之旅, 我哋帶咗來自瑞士的手信——由當年奧地利廠房生產的”絕版” GOTHAM DGS-2 訊號線送俾我哋頭十位睇呢條片的觀眾, 由於反應非常熱烈, 我哋條片出街一日內已經迅速送曬. 及後, 仍然收到好多師兄pm我哋希望能否購買到呢條絕版訊號線? 我哋經多次同瑞士廠方聯絡, 最後他們在德國的貨倉內搵到極少量當年存貨, 全部畀我哋一一掃曬返來香港.
DGS-2 訊號線的背後故事:
原來呢條DGS-2 的來歷是GOTHAM AUDIO 應當時英國著名的插頭生產商DELTRON 的要求而生產, 由於英國DELTRON 方面要求非常嚴格, 最後線材由瑞士設計後, 經奧地利廠房負責生產, 以満足英國方面的要求.
聲音特性:
後來我哋都收到幾位師兄的回饋, 呢條線雖然分析力不及現今的市面上的發燒訊號線, 但聽起嚟他的聲音擁有一種好獨特的自然和舒服的感覺, 沒有人工的渲染, 人聲線條感極佳, 音樂生動流暢. 有另一位喜歡飲紅酒的客人更誇張地形容聽緊呢條的線聲音就好似飲緊一瓶1995年出產的Lafite紅酒, 香醇, 不澀之餘更有陣陣的木酒桶清香, 使人一聽難忘.
長期存於倉庫, 絕佳天然退火:
根據廠方資料, 呢一批次的DGS-2 線材已經存放在倉庫超過25年的時間, 由於歐洲的倉庫非常乾爽且濕度很低, 對於銅料的自然退火處理提供了一個絕佳的環境. 黃酮經過廿多年的自然退火後, 有助釋放材料的內部應力, 提高物料的穩定性. 使聲音聽起來更加有”類比” “Analogy” 的感覺. 但非常可惜地 GOTHAM 的奧地利的廠房早已在20多年前已關門大吉, 如今剩下的DGS-2 線材只能製作十多對2M 訊號線以非常親民的價錢出售.